Wallkes Teite is 100 Joahr

04.01.2019 UB (von Ansgar Kossen) – De Geschichte van Walkes Oma haff er´n Anfang 31. Okt. 1918 up´n Dosfeld, to´ne Tiet as de erste Weltkriech noch an´ ne Gange was. “Peems habt´n lütket Wicht krägen! – Eene lütke Teite, ne Thekla –„

So isset för 100 Johr wall in Darp vertellt woarn. Dat lütke Wicht hedde Thekla Terhalle un was eene van 14 Kinner van Peems, de Ende van de 1930er Johre uk noch ne Cousine van Thekla upnomen hab, de dann uk bi Pems upwassen is. 1952 haf Thekla dann Johann Kossen traut un hett sietdem Thekla Kossen, oder emt „Walkes Teite“.

Nah 66 Joahr as „Sousenborgerin“ kunn´se an 31. Okt. 2018 toauhope mit fief Kinner un Antraude/Anhörge, ere 14 Enkelkinner un oak de Anhörge, un säben Urenkels eren 100. Geburtsdach fiern. Doartou kreeg Thekla Handkes un Ständkes van Frönde un Nabers, van´n Karkenchor, van Verwandte, van Bekannte un oak van Karke un Politik. Walkes Oma un ere Familge bünt dankboar för er langet un gesundet Läben un bedanket sück bi alle, de an eer dacht habt. (Foto: Familie Bene Kossen)