Platt satt in´t Heimathus

07.10.2023 UB – In´n Rahmen van dat PLATT-SATT-Festival was vandage in´t Heimathus Borger aeine Veranstaltung. Ne´ ganze Riege van Vördrägern habb Texte vördrogen un dej Lüe bi´n feinet Froeistück toau unnerhollen. Dai EHB schrüff toau dat Festival: „Das „Platt-satt“ trägt zur verstärkten Wahrnehmung des Plattdeutschen im öffentlichen Raum bei, führt Kinder an das Thema Mehrsprachigkeit heran und vermittelt Wissenswertes über die beteiligte Gemeinden bei vielen Veranstaltungen.“ Unner dej Leitung van Bernd Grünefeld van dej Emsländische Landschaft un Johanna Terhalle, Vörsittende van Heimatverein Borger, was dat ne feinet Toauhopekomm. Dej Lüe kammen van´n ganzen Hümmling un oak doaröver hinut. Dat Heimathus Borger was mit 60 Luee, bis up´n poar Stöhle, vull. Kinner van dej Plattdütskgruppe ut use Grundschoaule habb den „Hümmelsken Bur“ vörsungen. Dej Lüe in´t Hus sungen doar dann oak mit. Jan-Bernd Müller (Gabken) haff us mit sine Utführungen begeistert. Dej Hagen-Süster drögen musikalisch up Platt ne feine Fabel vör. Annemarie Rode verstünd et oak baldarig är´n Text musikalisch vörtoaudraegen. Un oak dej ev. Diakonin Astrid Farwik kunn, zwar nich up platt, doch noch Nachdenkliches bidrägen. N´feinen Vortrag harre oak Johanna Terhalles Enkelin un oak noch Bernd Grünefeld dej, so kunn man hören, wat up ostfraisisch-Platt, vertelde. Toauhope was dat n´ feinen Vörmiddag in´t Heimathus Borger. Dat Frouistück haff Johanna (ConnemannsJohanna) mit Familge un dej Wichter un Helper van´t Plattproater-Kaffee moaket.