Moi´ster Erntewagen 2023
03.10.2023 UB – In Borger was na de Corona-Miseere wär Kaermse. Dej Fiern füngen Saterdach mit´n Kinnerkärmse (Wertscheckhefte för Kinder) und Kaermsedriven för Familgen an. Doarna ovends Jubiläum van de Landjugend. Bi denn „Danz“ mit´n Kommers fierden de jungen Lüe bis in denn Morgen. Sanndages tröfde man sück middages up de Sandhöge. Um 2 Uhr nammedages güng dat in Marschkolonne mit vähle Kinner, Autos un Trecker van Oldtimerclub, sess Erntewagen un twaei Kapellen dör´t Darp na ´n Schützenplatz an dej Wohlstrate. Dat was was fein antoaukieken. Doarnah was up´n Festplatz Karmsedrieven mit Konzert van dej Wehmer Musikanten un use Hümmlinger Musikanten. Dej Clique van Opferstein hab denn ersten Platz bi dej Wagenprämierung mit dat Motiv „Füllhoern“ moaket. Doarnah hab use Hümmlinger Musikanten wieset wat se kunnen bis in denn loaten Aovend. Moandages was Maaket för alle Borger un Frönde. Dej Fröuschoppen is van Börgermester mit´n Bierfatt-Anstich üm 11en begunnen un durde bis et wär dunkel woarn is. Masse Lüe wörn unnerwegens – so wie in dej besten Tieten vör Corona.
