18.02.2016 UB – Das Heimathaus Börger ist am 13. März von 14.30 Uhr bis 17.00 Uhr zum Plattproater-Cafe geöffnet Bei der Kaffeetafel wird Plattdütsk gesprochen – bi usen Verein proate wi Platt (un wi prote oak dütsk, wen man kien plattdütsk kann). An dej tweiden Sanndage in de Moante is namidages von 14.30 Uhr toau 17.00 Uhr dat Heimathus, „dat Walkemüllerhus“ open (jeden 2. Sonntag im Monat ist von 14.30 – 17.00 Uhr geöffnet).
Up use Bäld (Foto UB) is dat Hus toau saein. Dit Sächsische Mitteldielen-Zweiständerhaus (Hümmlinger Oart) is over lange Tied dat Woahn- und Arbeitshus van den Borger Walkemüller, dej as Hürmann bi Müllers up´n Busk (Borgermühle) arbeitede, waehn. Dat Hus was an´t verfallen, as man dat Hus midde dej 1980er up Müllers-Hoff offbaude un hier up ´n Riegen as Heimathus waer upbaude, un so erhollen haff. Over dej groote Falldöre is noch toau läsen, wunner et baut is, un well dat Hus hörde. O-Gott-beware-dis-Haus-so-bleibt-das-unglück-daraus- Hermann Müller un Anna Müllers – Anno 1751 den 30. März.Kägenover van dat Walkemüller-Hus is dej Baustelle van use Teindschüre (Zehntscheune). Wenn dit tweide Gebäude mal fattig is, söll et use „Heimatkundliche Sammlung“, dat Heimatarchiv, Arbeitsrueme un Utstellung un ne „öffentliche Toilettenanlage“ upnähmen. Dann bünnt för´t erste dej Platzprobleme bi us vörbi un dej Gemeinde krigg ne Stäe, woar se sück doarstellen könnt.
