12.01.2016 UB – As wi van Vorstand in Oktober 2015 in Lorpe bi´n Kreisheimatverein toauhope koam bünnt, is vertellt woarn, dat dej Kreisheimatvereine un oak de Emslaendische Heimatbund dat Joahr 2016 as „Plattdüsket Joahr utroap habb. Un hoert is toau, disse Versammlung was, so habb ik vernoamen, komplett in Platt. Alle hab Platt proatet. Dat habb ik noch nich hoert. In 2016 güff dat dann, wenn dat so klappt oaverall plattdüske Stüppen, oaverall woar dej Vereine un dej Luee uptraeet. In Borger habb wi siet Joahren dat „Plattproater Kaffee“ un oak in Use Borger bünnt för 2016 (wie siet Joahren in alle Utgaben) wär Schriefstücke in un oaver Platt toau finnen. Wiedere Stüppen will wi oak bi usen Internetuptritt setten. – Mit dissen Schrieb will wie anfangen.
Un bi den Joahresuptakt nu, geef dat foart ne Overraschung. Lehrer Wesseln broachte us aine junge Asylantenfamilge ut Sri-Lanka mit, dej in Borger wall bekannt is. Wesseln Hinnek vertellde, dat dej Familgenvoar ut Sri-Lanka kump, woar hej flüchten mössde, weil dej Striet, dej Krieg tüsken Tamilien un Singalesen vör 20 Joahr eskaliert is. Sine Frau kump ut Südost-Indien. Hej arbeitet siet langen Joahren bi Zimbo-Bell. Beide Kinder bünnt in Dütskland, bi us geborn, un hab dej Indische und Sri-Lankische und oak dütske Staatsangehörigkeit. Devon Fernando dej jüngste van dej Familge (draide Klasse Grundschule) drög us n´ Naijoahrsgruß in bestem Dütsk vör, un sin Brouer Johannes Fernando (5. Klasse Gymnasium Soagel) settede noch aein drupp. Haei dröög in Plattdütsk aine Geschichte vör. Beide kreegen masse Beifall för aere Stücke. Beide proatet am leifsten Dütsk, so vertellden se us, oak mit aer Paape un Maame. Dej Pape haff bi dej Arbeit Dütsk leert un dej Mouder mit Hülpe van Heinrich un Erika Wesseln dej Düstske Mundoart leert. Beide Kinder proatet aber oak Tamil fließend, aehre Heimatsprache. Johannes und Devon hab all bie Vörlesewettbewerbe in Schoule Erfolge hat, un Johannes haff ne´ Hauptrolle in das Borger Musikal „Das Sams“ spält. Dej Familge geid dat goaud in Borger und saj bünnt toau fräer bi us.
Köster-Harm, dej Heimatvereinsvorsittende vertellde, dat nu un Borger masse Lüe bünnt, dej ut Afganistan un oak annerswoar her koammt, un hier ne neije Heimat seuket, so wi dej Fernandos vör 20 Joahr. Nett in disse Tied (Wiehnachtstied) denke wi doaran, dat oak dej Heilige Familge in ähr Läwen Flüchtlinge in Aegypten wähn bünnt un die drai Waisen ut dat Morgenland, vellichte ut Persien, Syrien oder Afganistan koamen bünnt. Doamals bünnt dej Lüe, dej Hülpe brukket oak nich offwiesen woarn. Wie brukket bi´n poar Lüe, dej bi us lävet kiene Bange habben dat wi oaverfraomdet werd. In dej koamenden Moonde werd wi sain wo et klappt un wo man kloar kump. Aeins is sicher – disse Flüchtlinge wullen am laiwsten wer in ehre Heimat toaurügge, wenn dat güng. Vähle Luee ut Borger helpet daei Flüchtlinge. In Borger laevet ne Handvull Familgen in Hüse und aeine groote Gruppe is in use ehemalige Jugendherberge unnerbrocht. Dej Familge Fernando haff sück goaud inlaewet un kunn as Beispiel herholln.
