16.04.2024 UB – Dingesdages bünnt dej Kinner van use Grundschoaule Borger bi´n Heimatverein. Doar wat Platt proatet. Doar wat use nordhümmlinger Platt leert. In masse Gelägenheiten in´t Läven wat Platt un plattdütske Utdrücke hier lebendig. In de lessten Wäken bünnt se bi dat Plattproaten oak buten aktiv wähn.
So haff dej AG n´Frühbeet mit Salat und Gewürze anleggt. Johanna Terhalle, de Boas van den Trupp haff dej doarbi holpen. Dej Planten un dat Saat bünnt in de Grund. Nu kann man bloos noch wachten, dat de Saat upgeit un off un toau mal kieken un wenn et wähn mut wässern oder de jungen Planten vör Sünne behöuen.
