09.04.2024 UB – Sit langen Joahren is dat Plattproater-Kaffee dat Uthangeschild van Heimatverein Borger. In´t Läwen roppt hab dat 2013 Anne un Harm Schmitz. Feinste Torten mit lekkeren Kaffe wert anboarn. Sit 2022 hab, na ne Pause, Monika Langen un Andrea Lüken (Hagen-Süster) dat Zepter oavernoam. Et lapp nach wie vör goaud. Wenn dat Kaffee open is, koammt immer masse Lüe in´t Heimathus.
Dat Heimathus (use Walkemüllerhus) ligg tüsken dej Lemmkuhle un denn Ülkepoaul an twei Dränken up´n Riegen. Hier is dej Welt noch in Ordnung. Hier is man geerne. Masse Lüe koamt oak üm hier Familgenfotos oder oak Hochtiedsfotos toau moaken. Wenn Plattproater-Kaffee is is oak dej Taintschüre (use historische Sammlung) open un man kann doar dej Exponate un oak Bälderausstellung bekieken.
