24.10.2023 UB – Use Fraulüe, dej dat Plattproater-Kaffee bedrivet un ähre Helper, hab toau lessten Moal in dit Joahr wär Kaffeetied. An 2. Sanndag in November ist dat Walkemüllerhus up´n Riegen open. Sit April 2023 bünnt Andrea Lüken un Monika Langen (dej Hagen-Süster) mit ähre Lüe hier rüsig, wenn nich annere Fier´n in Borger bünnt. Wi van Vorstand segget „Läwen Dank an Monika un Andrea un dej heile Gruppe för dej Arbeit för dej Lüe un denn Heimatverein Borger. Dej Heimatvereine up´n Hümmling hab offproatet, dat jeden Sanndag bi dej Heimatvereine eaine Kaffeetoafel open is.
Heike Schmidt stellt ihre Werke aus.
„Mitnanner klöen un neijet vertellen“
Wenn in Borger Plattproater-Kaffee is kann man oak in dej Taintschüre (Zehntscheune) vörbikieken. Doar is dat Museum open un ne Bälderutstellung. Nu in 2023 hab wi Werke van Arvidas Zdanavicius und Heike Schmidt upbaut. Heike is´n Borger Wicht un schon lange mit Begeisterung an´t malen. Arvidas is in dej Joahrdusendwende in Borger wähn un haff hier för dej Litauenhülpe malt. Wiet oaver 100 grote Bälder bünnt in disse Tied verkafft woarn. In´t nächste Joahr will wi dej Bälder van Dietrich Janssen-Jennelt utstellen, un denn Borger Künstler Connemanns-Harm (Herm. Connemann) vörstellen. Doarnah krieg wi, wenn allet klappet Bälder van Heinz Kramer-Hinte ut Cloppenburg. Dat bünnt baldarige Werke ut Ostfraisland, Hümmling un Cloppenburger Land, doarvan ne ganze Riege ut Borger. Hej was mit den Hümmling verbandelt. Uset ehemalige Ehrenmitglied Hubert Hahnenkamp (sin Frönd) un sine Frau kammen van Borger un Spoahn.
