27.09.2026 UB – Dat Plattdüsk is för de Emsländer un Hümmlinger ´n grooten Kulturschatz, segg Marc Andre´ Burgdorf, Präsident van de Emsländische Landschaft in Sommer 2026. Siet tain Joahr is doarümme dat Festival jeden Harvst mit ´n reinwatt Aktionen unnerweggens. Schoaulen, Kultur- un Heimatvereine, Volkshochschoulen, de Landkreise Emsland un Grafschaft Bentheim un noch Annere, moaket doar mit. In 2026 güng et van 17. September an, los.
As lesste feine Veranstaltung in dit Joahr was de Literaturoabend in ´t Borger Heimathus. Dat Hus was vull besettet. Feine Wiesen, Singinlagen un Döntges habb de Lüe dat andaan, man was best toau fräer. Jan Bernd Müllers un Johanna Terhalles „Texte“ kammen an. Hannes Schmees ut Boaukgaste kamm overraschend noch doartau. He kreeg för sin feinen Text Beifall. Bi Boukwaiten-Jan Hinnek un Tee was dat ´n feinen Nammedag.
